Дизайн Парк

Монголын уран бүтээлчдийн нэгдсэн блог

Гар урлал

Posted by designpark2010 on February 15, 2011

АЛТАРГАНА 2010 БУРИАДЫН УЛАМЖЛАЛТ ГАР УРЛАЛЫН ҮЗЭСГЭЛЭН, УРАЛДААН

Буриадын соёл, урлаг, спортын олон улсын “Алтаргана-2010” наадмыг тэмдэглэх ажлын хүрээнд “Буриадын Уламжлалт Ардын Гар Урлалын Үзэсгэлэн, Уралдаан” 2010 оны 7-р сарын 21-нээс 23-ны хооронд Монголын Уран Зургийн Галерейн үзэсгэлэнгийн танхимд зохион байгуулагдана.
Уг үзэсгэлэнд Монгол, ОХУ-ын Чита, Эрхүү муж болон БНБУ-ын Улаан-Үд, Өвөр-Байгалийн хязгаараас урлаачид ирж оролцох ба Буриадын язгуур урлал, ахуй  соёлын уламжлалыг илэрхийлсэн зурмал, зормол, баримал, сийлбэр, хайчилбар, цоолбор, уран дарханы урлаг, адууны үсийг боловсруулах урлаг, үндэсний загвартай бэлэг дурсгалын зүйл, буриад хээ, хуар, мөнгөөр хийгдсэн шилмэл гоёл чимэглэлийн иж бүрдэл, үндэсний хувцас гэх мэт бүтээлүүд тавигдах ажээ.
Энэхүү үзэсгэлэн нь Буриад хүн зоны үндэсний язгуур, өв соёл, уламжлалыг хадгалсан хирнээ орчин үеийн  өнгө төрхийг илтгэсэн, уран сайхны өндөр түвшинд бүтээгдсэн, ур чадвар, гүйцэтгэл, хийц, чанар, ардын язгуур урлагийн мартагдаж, ховордсон зүйлсийг сэргээн үзүүлэхийг зорьж байгаагаараа өвөрмөц онцлогтой юм.
Уралдааныг мэргэжлийн шүүгчдийн бүрэлдэхүүн шүүж, оролцлогчдын бүтээлүүдээс 1,2,3 дугаар байр эзлүүлэн медаль, өргөмжлөл, мөнгөн шагналаар шагнана. Шагналыг 2010 он 7-р сарын 23-ны 12 цагт тус үзэсгэлэнгийн танхимд  гардуулна.

Үзэсгэлэнгийн нээлт: 2010 оны 7-р сарын 21-ний 15 цагт Монголын Уран Зургийн Галерейн үзэсгэлэнгийн танхимд болно.

Та бүхэн энэхүү үзэсгэлэнг таалан соёрхоно уу…
Наадамтай холбоотой мэдээ мэдээллийг: http://www.toonto.mn/ цахим хуудсаас аваарай

 

“Алтаргана-2010” наадмыг зохион байгуулах комисс
Монголын Уран Зургийн Галерей

Үзэсгэлэнгийн нээлт 15 цагаас

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: